“Чалавек святой малітвы – маліся за нас!”

13 чэрвеня ў нашай святыні і ў шматлікіх касцёлах усяго свету адбывалася ўрачыстасць Св. Антонія – аднаго з найбольш папулярных Святых, заступніка тых, хто шукае згубленыя рэчы, веру і радасць жыцця, апякуна нарачоных і сужэнстваў. Тэолаг, францішканскі прапаведнік і абаронца пакрыўджаных людзей, ён стаў вядомым у 13 ст. Гэты слаўны слуга і прыяцель Езуса Хрыста чыніў цуды яшчэ пры жыцці і сёння цешыцца ў нябеснай краіне. Ён памёр 13 чэрвеня 1231 г. у Італіі, недалёка ад Падуі, і ўжо праз год пасля смерці быў кананізаваны папам Грыгорыем ІХ, а ў 1946 г. папа Пій ХІІ абвясціў яго доктарам Касцёла.
Словы Святога і памяць пра яго не адыходзяць і сёння. Яго гроб застаецца месцам асаблівай пашаны. І гэта нездарма. Натхнёны Божаю моцай, ён нёс людзям Евангелле. І гэтыя словы, прыцягваючы людзей, змянялі іх сэрцы. Святы не абвяшчаў уласнай навукі, але навуку Касцёла, якая і тады не была моднай. Негледзячы на гэта ён абвяшчаў тое, чым жыў (г.зн. Хрыстом і Божым Словам). Святы Антоні быў чалавекам глыбокай малітвы і духоўнасці. Моц яго заступніцкай малітвы і сёння чыніць цуды. На гэтую характэрыстычную рысу жыцця Святога звярнуў асаблівую ўвагу падчас казання на ўрачыстай Св. Імшы кс. Раман Рэчэк, прафесар ВДС г. Гродна. Праблема малітвы, зазначыў ен, застаецца праблемай кожнага пакалення. Ці варта прысвячаць свой час малітве? Людзі цяжка працуюць гадамі, каб дзеці, нават ужо дарослыя, не адчувалі недахопаў, забываючы пры гэтым аб Св. Імшы ў нядзелю і аб малітве. Яны забываюць аб тым, што праца без малітвы не прыносіць добрых плёнаў. Калі Бог не паблагаславіць, марным будзе вынік. Малітва з’яўляецца ключом да пазнання сябе і шляхам да сустрэчы з Богам у кожнай жыццёвай сітуацыі. Толькі Бог і Яго моц могуць стаць фундаментам у цяжкасцях, якія з’явяцца ў кожным жыцці. Таму кс. Раман заахвоціў усіх бацькоў да таго, каб яны перадавалі дзецям, перш за ўсё, веру, каб вучылі іх распазнаваць Божыя крокі ў жыцці, а таксама заахвоціў кожнага з нас да больш частага звароту да св. Антонія – найлепшага настаўніка размовы з Богам.
“Святы Антоні, Чалавек святой малітвы, Лілія чысціні з хлебам для бедных, вазьмі нас у сваю апеку: дапамагай ва ўсіх пачынаннях. Не пакідай нас, будзь нашым спадарожнікам у дарозе да вечнасці, нашым заступнікам і абаронцам, нашай выратавальнаю зоркаю як у жыцці, так і пасля смерці. Амэн.”
Разам з кс. Раманам мы ўдзячны Богу за дар айцоў францішканаў, духоўных братоў св. Антонія, за іх прысутнасць у нашым горадзе, за пашырэнне культу Святога і за малітву ў нашых патрэбах.

***

Быць сведкам Хрыстовай веры сёння

 

 

 

 

 

 

 

 

 

 

 

 

 

 

 

 

 

Кім для мяне з’яўляешся Ты, Бог? Ці гатовы я пайсці за Табою сёння, негледзячы на ўсе перашкоды? Ці не баюся я прызнацца да Цябе ў прысутнасці сяброў і знаёмых, ці не баюся сведчыць аб Табе сярод тых, хто не ведае Цябе?
Адказы на гэтыя і шматлікія іншыя пытанні кожны з нас мог атрымаць падчас урачыстай Св. Імшы і працэсіі, прысвечанай святу Божага Цела, якое адзначалася 3 чэрвеня. Сотні католікаў з усіх парафій нашага горада прыбылі на гэтую ўрачыстасць, каб прыняўшы Езуса ў сваё сэрца падчас Св. Імшы, прайсці за Ім по вуліцам роднага горада і такім чынам подцвердзіць сваю прыналежнасць да Яго. Адзінага і заўседы прысутнага сярод нас, і атрымаць благаслаўленне.

***

“Прамень надзеі”

 

 

 

 

 

 

 

 

 

Акцыя дапамогі хворым і бедным дзецям пад такой назвай ужо каторы раз праводзілася ў нашым горадзе. Штогод напярэдадні Дня Дзіцяці моладзь г. Гродна ў сваіх парафіях збірае дабравольныя ахвяры, якія затым пры дапамозе дабрачыннай арганізацыі “Карытас” будуць перададзены тым, хто наўбольш іх патрабуе. Наша моладзь не засталася абыякавай да такой акцыі дапамогі безабаронным і 30 мая праняла ў ёй актыўны ўдзел. Няхай Бог благаславіць кожнага, хто склаў сваю ахвяру, і такім чынам прычыніўся да таго, каб яшчэ на адным дзіцячым тварыку засвяцілася ўсмешка.

***

 

 

 

 

Вясна – гэта цудоўная пара абуджэння, гэта час аднаўлення кожнага з нас. Мы захапляемся першымі кветкамі, птушынымі спевамі, прыгажосцю наваколля і робім усё магчымае, каб зберагчы гэты Божы дар і данесці яго людзям. З Божай дапамогай на працягу мая нашай моладзі пашчасціла ўпрыгожыць тэрыторыю каля касцёла кветкамі. Мы ўдзячны кожнаму, хто прычыніўся да таго, каб наш касцёл заквітнеў сярод такога мноства рознакаляровых прыгажунь, а перш за ўсё Аксане Арлукевіч за ініцыятыву і ідэі, і ўсім тым, хто ўзяў у свае рукі лейкі і рыдлёўкі. Няхай Бог узнагародзіць кожнага за прысвечаны час.

***

З 7 па 9 мая моладзь нашай парафіі прымала ўдзел у традыцыйных Днях Моладзі, якія адбываліся ў Шчучыне. Больш за тысячу чалавек з ўсіх куткоў Гродзенскай Дыяцезіі сабраліся тут, каб разважаць над Словам Пана, каб спаткацца з Ім у Сакрамэнтах Паяднання і Эўхарыстыі, каб праслаўляць Яго супольнай малітвай, спевам і забавай, каб бліжэй пазнаць адзін аднаго і знайсці новых сяброў. І сення мы ўдзячны Богу за вядікі дар гэтай сустрэчы, за кс. Антонія Грэмзу і ўсіх арганізатараў, за айцоў піяраў, якія разам са сваей моладдзю гасцінна прынялі нас у сваіх дамах, за ўсіх святароў і сясцёр, якія звярнуліся да нас у канферэнцыях і катэхэзах, за а.Анджэя, які падтрымліваў нас у гэты час, і за кожнага чалавека, якога Бог паставіў на нашым шляху ў гэтыя дні.

Адразу пасля заканчэння Дзён Моладзі (9мая) наша група вырушыла на традыцыйнае для нашай парафіі спатканне – “маёўку” – у нетрадыцыйнае для яе месца – вёсачку Ішчална, што каля Шчучына. Цішыня, чысціня паветра і прагажосць прыроды не пакінулі нікога абыякавым і яшчэ раз нагадалі аб велічы Творцы. Два дні ў гэтых цудоўных мясцінах яшчэ надоўга застануцца ў нашай памяці. Гэта быў час супольнай малітвы і супольная забавы, супольнай працы і супольнага адпачынку. Гэтая сустрэча дапамагла нам яшчэ бліжэй пазнаць адзін аднаго, што так неабходна нам сення пры станаўленні нашай братэрскай супольнасці. Нашу падзяку мы складаем Богу за добрае надвор’е, за кс. Казіміра, які даў магчымасць размясціцца ў парафіяльным доме, і за с. Марыну (ФОС) і а. Анджэя, якія былі сярод нас, і за кожнага з нашай супольнасці, за іх добры настрой і пачуцці гумару.

КАНТАКТ

АА. ФРАНЦІШКАНЕ

(БРАТЫ МЕНШЫЯ КАНВЕНТУАЛЬНЫЯ)

230011 г. ГРОДНА

вул. Цітова 11А, кв. 56

тэл.\факс.: (8029) 52-48-42

e-mail: Гэты e-mail абаронены ад спам-ботаў. Для яго прагляду ў вашым браўзэры павінна быць уключаная падтрымка Java-script